华伦西亚火力猛不来梅有难

虽然华伦西亚近年欧霸盃锺意派副选应战，但依家佢杀入16强，仲边敢立乱玩！今晚佢首回合主场出击，对住由歇冬后至今场场有失波、防线超唔掂不来梅，有望开出主W！（有线64周五凌晨4:05直播）

不来梅歇冬后场场失波

由于华伦紧周末西甲要硬撼巴塞，加上佢习惯用副选出战欧霸盃，预计前锋施积、中场柏保路靴南迪斯甚至巴拉查都会披甲，不过赛前都有消息话连韦拿都会落场添！就算单系呢班后备，佢今届欧霸盃主场仍然录得4胜1和，当中合共攻入12球咁多，就知佢实力唔差。

何况不来梅本身亦有隐忧，好似上场德甲，主力奥斯尔就因为表现问题被自己球迷喝倒彩，既然中场灵魂状态都唔掂，又点带起队波先？更重要系不来梅自歇冬后开始，每场赛事都有失波，防线问题毫无改善，想首回合先保住和局？恐怕唔易萝！