阿根廷足總可能系世界上最有人情味嘅足總，事關獨立隊中堅李安尼加利安奴本應被罰停賽，但考慮到另壹守將卡路士馬菲奧倦勤，決定畀前者繼續披甲！加埋前鋒馬些路卡度素又正值大勇，聽朝阿甲作客葛度爾古斯有機全取3分，平手盤壹於撐獨立隊！（開賽時間：周二早上8:10）

葛度爾古斯兩連勝虛火

獨立隊守將卡路士馬菲奧在1月入選阿根廷國家隊，可惜在處子亮相對哥斯達黎加果陣不幸受傷長抖，唔知系咪想補飛，阿根廷足總竟然淮許原定今仗黃牌夠數停賽嘅中堅李安尼加利安奴繼續上陣！無疑另壹中場艾斯維度未獲優待維持停賽，但仲有沙治奧域陀頂上，加埋禾達布斯復出，中後場實力仍穩健，失波機會應該唔大。

除左後防有喜訊傳出之外，獨立隊前鋒馬些路卡度素上仗連中三元，狀態弗爆今仗有力數胡。始終對手葛度爾古斯雖然話近兩戰全勝，但對手只系中下遊隊伍甘拿斯亞，以及開咧後仲未入局嘅聖羅倫素，虛火味濃，今場未必經得起獨立隊強力挑戰！